خیابانلار ایسلاق

 و کوچه لر یاساق

 قیدیقلانیر ایچیمده کی دوستاق...

 یوللاردا بویاسیز گولوش

 یئر اوزو بوم-بوش

 آغ –قارادیر سؤنه ن دویغولار

 یئپ یئنی اویغولار.

 آرتیق بهاردا دؤنه سی دئییل

 و اؤیله دوغولاسی

 اؤیله اؤله سی دئییل.

                                   ...................................................

Xiyabanlar ıslaq

 Və küçələr yasaq

 ...Qıdıqlanır içimdəki dostaq

 Yollarda boyasız gülüş

 Yer üzü bom-boş

 Ağ-qaradır sönən duyğular

 .Yep yeni uyğular

 Artıq baharda dönən deyil

 Və öylə doğulası

 ...Öylə öləsi deyil

Savalan qızı

لیدا احمدی- اردبیل

 دانيلمايان يوخلوغوما ايناد

باغريما بوكه­جه­يم

نه سني

نه تانريني.

و آسيلديغيم هر آندان باغيراجاغام

بوغولماغا سوسموشلوغوم

آديما اؤلوم

و اؤزگه­ليك،

آچيخلانماميش ايشيق­ليق­دير...

                                 (هله ده)

تبسسسوم كؤلگه­سي.

آلنيما چاتمايان ال لره يازيق :

اؤلكه­ليييمي سينير سينير پوزاجاغام

نه سني

نه تانريني

ائله كي دونيا اؤز سطيرسيزلييينه پيچيلداديغي تاريخ دوزه­ني.

 ¤¤¤

عوصيان و اينسان

 بويونا و بوينونا

 گله­سي حق دئيه گلديم.

                                  (هله كي)

فاجيعه گؤزه­ل­لييي­.

¤¤¤

آديم قيسا سؤزجوك­دور

وارليغين درين بوغازيندا سسله­نير

و دؤورون داماغيندا تنقيده چكيلن سؤموك­لريم

                                                  شعر آدلاناجاقدير.

                                  .............................................................

رقیه وعیدی(1365-مراغه) آداخلی

 آچ گؤزلريني

کيپريکلري نين آرخاسيندا

قارانليق قويولاردان قورخورام

منم زهردن بال شيرين يوخو پته یين

يازدير ؟

يوخسا پاييز

يوخسا؟...

دوشونورم حسرتيني

دولورام

قبيرلر آغلايير من آغلاييرام

شوملاييرام ايچيمه...

اوره یيمه سيخيلميش سوسقون سئوگي

هئي دوشونجه...

سون جينايتيم سني سئوديم

يئرينه

     دو

         شون

                 جه

ايندييسه تاوانسيز کوما کيمي ايچيمه داميرام.

                                      ...........................................

(Ruqəyyə Vəidi(1365-marağa

 Aç gözlərini

Kipriklərinin arxasında

Qaranlıq quyulardan qorxuram

Mənəm zəhərdən bal şirin yuxu pətəyin

 ?Yazdır

Yoxsa payız

?...Yoxsa

Düşünürəm həsrətini

Doluram

Qəbirlər aqlayır mən aqlayıram

...Şumlayıram içimə

Ürəyimə sıxılmış susqun sevgi

...Hey düşüncə

Son cinayətim səni sevdim

Yerinə

Dü           

şün  

cə              

.İndiysə tavansız kuma kimi içimə damıram

: Qaynaq

 http://adakhliyollar.blogfa.com

سیما دیدار(توفارقان /1364)- سیم آی

 آختاریرام

پارامپارچالانمیش بشقابلار آراسیندا

کیرلنمیش فینجانلار ایچینده

اوزو قارالمیش ایتیردیییمی

هاردا ایتیردیم من اونو

نئچه ثانیه

نئچه ایلدیر

بلکه ده تاریخ بویو ایتمیشدی ائله

اولمایا هئچ تاپیلمایا

ایتیردیییم قادینلیق !

Sima Didar(1364-Tufarqan)-Simay

 Axtarıram

 Paramparçalanmış boşqablar arasında

 Kirlənmiş fincanlar içində

 Üzü qaralmış itirdiyimi

 ???Harda itirdim mən onu

 Neçə saniyə

 Neçə ildir

 Bəlkədə tarix boyu itmişdi elə

 Olmaya heç tapılmaya

! Itirdiyim qadınlıq

:Qaynaq

http://simay.blogfa.com/

کؤلگه له نیرم

 سوره لر جه

 الدن-اله،

 ال،

 آیاق،

 بودا دوداق...

 سورگون اولوب،

 دولورسان ایچیمه

 گیله-گیله

 اینسانلیق بیچیمینده.

" ساوالان قیزی"

                         ...........................................................................

Kölgələnirəm

Sürələrcə

.Əldən-ələ

Əl

Ayaq

...Bu da dodaq

Sürgün olub

Dolursan içimə

Gilə-gilə

.İnsanlıq biçimində

"Savalan qızı"

سارای محمد رضائی(1365-خیاو)- سارای

 گؤزلریمه تیکان باتیر

 اوره ییمه سن...

 دیسکینیب آغلایاندا گئجه لر،

 دؤشلرینین یئرینه

 قوندارما مه مه قویدولار آغزیما

 کیمسه لر گئریده دوروب

 یاش آخیتدیلار

 یئتیم - یئتیم دئییب،

 قارا پول قویدولار اووجوما.

 (آنا)...

 هججه له دیم سنی اوخوللاردا

 تانیمادیم،

بیلمه دیم کیم سن؟؟؟؟؟؟؟

 گؤردویوم شکیل لر کیمی

 یوخولاریما چکدیم سنی

 سوردوم

 سوراقلاشدیم

 وطن دئدیلر سنه

 "یئتیم اولارسان یئنی دن

 پارچالانمیش آناوی

 آل یاغی لاردان"

 اوخویورام.

 (وطن)

هججه له ییرم سنی،

 عسگرلیک گئییمینده

 تانیمیرام

 بیلمیرم نه سن؟؟؟

 قوندارما مه مه م کیمی

 اؤزگه سن منه.

Saray Məhəmməd Rizayi(1365-Xiyav)- Saray

 Gözlərimə tikan batır

 Ürəyimə sən

 Diskinib ağlayanda gecələr

 Döşlərinin yerinə

 Qondarma məmə qoydular ağzıma

 Kimsələr geridə durub

 Yaş axıtdılar

 Yetim - yetim deyib

 Qara pul qoydular ovcuma

ANA...

 Höccələdim səni oxullarda

 Tanımadım

 ????Bilmədim kimsən

 Gördüyüm şəkillər kimi

 Yuxularıma çəkdim səni

 Sordum

 Soraqlaşdım

 Vətən dedilər sənə

 "Yetim olarsan yenidən

 Parçalanmış Anavı

 "Al yağılardan

Oxuyuram

VƏTƏN

 Höccələyirəm səni

 Əsgərlik geyimində

 Tanımıram

 Bilmirəm nəsən???

 Qondarma məməm kimi

 Özgəsən mənə.

شیدا نونهال(۱۳۵۸-مراغه)- خزر 

گؤزلریم تیکیلیب، سنسیز یوللارا

گلمه سن نه فایدا؟ گلسن نه فایدا؟

سئوگییله یاناشی، آچیق کؤنلومه

دولماسان نه فایدا؟ دولسان نه فایدا؟

                    ****                     

دویغولوآنیمدیر دوی فریادیمی

غزل مصراسیندا،سئوگی دادیمی

اورکدن یادیمی ،دیلدن آدیمی

سیلمه سن نه فایدا؟ سیلسن نه فایدا؟

                ****

ان ظریف تئلم سه ، سازدا پاسلانیم

آغ بولودنغمه ن ده چیمیب ایسلانیم

بوینونا هؤرولوب،داردان آسلانیم

چالماسان نه فایدا؟چالسان نه فایدا؟

               ****

اؤلومدن سؤز آچیب دیندیرمه منی

اودلو ناله لریم بورویر سنی

فلک ده بویوما توتسا کفنی

سالماسان نه فایدا؟ سالسان نه فایدا؟

               ****

آیریلیق خزری سی سولدورور منی

(خزر)ین سولماسین گوللو چمنی

قارتالین قایادیر یوردو،مسکنی

بیلمه سن نه فایدا؟ بیلسن نه فایدا؟

Gözlərim tikilib sənsiz yollara

بو ياغمور... بو ياغمور... بو قيل دان اينجه

بو ياغمور... بو ياغمور... بير گون دينين جه

آينالار اوزونه تانيماز اولور.

قارنيمدا آجي سيز ياتان بير پيچاق.

دايانديقجا خيسين-خيسين ياغاجاق.

بو ياغمور... بو ياغمور... جنتدن اوستون،

قارانليق قووولماز دوشونجه لردن.

سولاردان،سسلردن و گئجه لردن.

توکّل کیانی اصل(کیان خیاو)

...

گنجليک بويو اللريندن ياپيشديم

گؤزلریمی گؤزلرینه دیکه رک

دؤشومو دؤشونه داياييب،

بورنومو بورنونون اوجونا سورتدوم اؤلومون.

آخ! بو نه چئشيد سئويشمه!

دولغون دوداقلاري نئجه ده دادلي يدي

                           نامرد اؤلوم قيزينين!

مرداد 1380

1-سؤزجوكلر قوووشاراق،

      سؤيله نمك ديله ييرلر:

"دئ،

      دي تئز اول دئ"

سؤزجوكلر اويون اويناييرلار...

2-سؤزجوكلر اوسانيب،

                             قيريليرلار سانكي...