شعره اوچان قانلی دیلیم

بیر گون گولزاره دؤنرسه وطن...تورک آدلی بایراغیمیز گولجک او گون

جارچي...

منه هر نه دئييب

بوتون شهري دولانديريرسان.

گور سسينله باغيريب جارساليرسان

شهر به شهر،

اؤلكه به اؤلكه.

قابيغي سويولموش آغاج كيمي

تام اينسانليغيم سويولور،

سورونوركن.

"باغيشلا،

باغيشلا جسارتيمي"دئيه

هئي اؤلوب ديريليرم

بيردن پيچيلتي قالخدي

گوناهيمي بيلمك ايسته ييرلر.

"آدي شاعير،

يئني بير دلي "

دورمادان جار چكيرسن،

جارچي...

S.Q) )

+ yazılmış...ر 2008/7/8 çağ 0 AM ساوالان قیزی |

بودا بير سئوگي

1-آليشدي .

دوداغيندا يئرله شيب ، سانكي جان باغيشلايير...

توستوسو گؤيه قالخدي

توكنيب سؤندو

باشقاسين آليشديردي ،

بودا بير سئوگي.

2-يانديردي

ياندي

آلووو،سؤنموش اوره ك اؤلكه سين ايشيقلانديردي

سؤندو،

كؤزون آلتيندا يئرآلما باسديردي

توكندي.

اودون ييغيب ،باشقاسين يانديردي

بودا بير سئوگي

(S.Q)

+ yazılmış...ر 2008/6/28 çağ 11 PM ساوالان قیزی |

مکتوب

سئوگیلیم...

داشا دؤنوبسن کی سن.

یئنه ده

باشین بیر بیرینه قوشا بیلمه دیم

بو بؤیوک سربستی

سنه سؤیله مه دیییم سؤزلری

دوداغلاریمدا نیسگیل لر

قولاغیمدا پارچا-پارچا اولموش سسین،

سؤزلرین

گؤزلریمده بیر-بیر اؤلن ایگیت لرین

وبئینیم ده داغیلان تاریخین

دیلین...

ایللر بویو قان اوتدوردو منه

هله ده اؤزون تاپمامیش دیلیم،

سئوگیلیم

هانسی می؟

هانسی...

غوربته دؤزومون وارمی سئوگیلیم؟

یوخسا کی منیم سؤزلریمه دؤزوم تاپمیسان!!!

قلمیم آخی یازمیر سنی

باغیرتی لارینی دویاجاغام می؟

یوخسا کی یئنه ده

کور باخیم سنه

کارائشیدیم سنی...

تانرییا یالان سؤیله دیک لریم

"اوشاق دئییلم"سؤیله دیم

سنی ایتیردیم

یوز ایل

یوز ایل داغلارا نیشانلی قالمیش

آنلاشیلماز قایالار

سنه قورخودان یازیم

یادا کی قانمامیش گؤردویوم ایشلردن؟!!

گیلئیلیک حاققیم یوخمو؟

یوزایلدیر قولاغین اپرییب

ائشیتمیر منی

نئجه دئییم آخی سنه

پئشمانام سئوگیلیم

پئشمانام سئوگیم

"اوشاق دئییلم"سؤیله دیم

سنین ایزلرینی مندن آلدیلار

گئرییم من...چوخ گئری

گونشدن قالان

بیر ایشیغام من

دیدرگینم من.

(S.Q)

+ yazılmış...ر 2008/4/25 çağ 10 PM ساوالان قیزی |

آنا دیلی

لای-لای دئدیم یاتاسان قیزیل گوله باتاسان

قیزیل گولون ایچینده شیرین یوخوتاپاسان

بئله دئییب منیم آنام ییرقالادی بئشیگیمی

آنام لابیراو لای-لادا چکدی منیم کئشیگیمی

منیم اوشاق لغتیم ده سئوگی سؤزو یوخکن هله

سئودیم آنادیلیمی من آنامین هرکلمه سیله

ایللراؤتدو...یاشا دولدوم آنلادیم کی منیم دیلیم

اورگیمدن چیخماز منیم دوغرانسام دا دیلیم-دیلیم

شرقین صنعت بایراغی دیر فوضولی نین غزللری

باخ بودیلده وصف ائله میش او،ان ظریف گؤزه للری

مین دونیایا دگیشمه رم صابیرین بیرسطرینی من

اونداگؤردوم اؤزدیلیمین شهدینی من،عطرینی من

شمشک لره اودوئرمیش او هرکلمه سی قیغیلجیم دیر

صلح گونونده نغمه دیر او دؤیوش گونو قیلینجیم دیر

قلبیم حایات چشمه سی دیر سئوینج یاغیر،آه دا یاغیر

منیم دیلیم" گؤی گولوم" دور منیم دیلیم "شاه داغیم"دیر

کیم سئومه ییر اؤز دیلینی ایتسین منیم گؤزلریمدن

بو آذری تورپاغینین

گونشی دیر منیم دیلیم

خلیل رضا

+ yazılmış...ر 2008/2/21 çağ 9 PM ساوالان قیزی |

طالعیمه سن باخ!!!

دوشونجه لریم یاساق

دویغولاریم یاساق

کئچمیشیمدن سؤزآچماغیم یاساق

گلجه گیمدن دانیشماغیم یاساق

آتا وبابامین آدین چکمه گیم یاساق

بیلیرسن؟!!

آنادان دوغولاندان بئله

اؤزوم بیلمییه-بیلمییه

دیل آچیب دانیشدیغیم دیلده

دانیشماغیم دا یاساق ایمیش

یاساق

بولود قاراچورلو(سهند)

+ yazılmış...ر 2008/2/21 çağ 9 PM ساوالان قیزی |

وطن

* و ـ

ـ طن

سن ايكي هئجالي بير سؤزسن، َو ـ طن.

سطيردن سطيره كئچيريلميسن.

سوء قصد ائديبلر شأن ـ شرفينه،

اعدام اولونوبدور بئش حرفينده.

«وَ» كئچيب آرازين او طرفينه،

«َطن» قاليب آرازين بو طرفينده.

اورتاندان تيكانلي سطيرلر كئچير،

پوزانيم اولسادا پوزا بيلمير‌م.

قرينه‌لر اؤتور، عصيرلر كئچير،

من سني بيتيشيك يازابيلمير‌م.

سن ايكي هئجالي بير سؤزسن،

و ـ طن،

سطيردن

سطيره

كئچيريلميسن!

شاهمار اكبرزاده

+ yazılmış...ر 2008/2/12 çağ 9 PM ساوالان قیزی |

ایکیمیز

قاچیریق سئوگی باغیندا تارلالارلا لالایا

های هارای قوپدو او داغدان گئری دؤن سئوگی چایا

قوروب اووچو تله سین بوردا گؤرون قان تله سی

هله قورتولمامیش آنجاق اوو اولوب جان تله سی

ایکیمیز دان آلووق آه من آلوو سنده کؤز اول

ایکیمیز بیرجه دیلک له من دیلم سنده سؤز اول

کؤنلومه دامجی دامیرسا ایکیمیز سئلده یادیق

دارالیر دیلده سؤزوم،هئی،ایکیمیز ائلده یادیق

سورگون اولدوم بو ائلین سئللرینه سندن اوزاق

بو منم سئلده سارای،ائلده هارای،جانداسازاق

یاراشیرجاندا آلوولار،یاراشیر سئلده سارای

منی قایتارمنه،سئوگیم اولاجاق ائلده هارای

(S.Q)

+ yazılmış...ر 2008/1/17 çağ 11 PM ساوالان قیزی |

منی هئچه پوچا یاشاماق یوروب

کاش ائلیمدن اؤترو اؤله بیلیدیم

اوره ییم اولایدی بیر تیکه چؤره ک

اونودا ائل ایله بؤله بیلیدیم

خلقین دوشمنینه اولایدیم یاغی

بیر گؤزده گؤریدیم قارانی آغی

بوتون انسانلاری انسان سایاغی

ایکی گؤزلریمده گیله بیلیدیم

کهنلتدیم دنیانین آز-چوخ تزه سین

داددیم مین نعمتین وارین مزه سین

دئمیرم تاپایدیم حیات گؤزه سین

بیرجه گؤز یاشینی سیله بیلیدیم

نادرم سئل ایچره سینیق گمیله

سینیشمیش عشقیمین کسیرکمیله

مین گؤز آغلاسامدا ائللر غمیله

دئمرم بیر آغیز گوله بیلیدیم

نادر الهی

+ yazılmış...ر 2007/12/31 çağ 11 AM ساوالان قیزی |

بیر آغاج

بیر آغاجدان بوی آتمیشیق

یام یاشیل بیر آغاج

کؤکوموز بیر

دیلیمیز بیر

آتایلا آنامیز بیر

اؤزوموز یاد

سؤزوموز یاد

یابانچی باخیر دیلداشیم منه

سویوموز بوش.

محکمه ...

فیشقیراق چالاجاق محکمه چی

کؤکوموز سورگون اولدو

بیلمه م هارا !!!

بیر آغاجدان بوی آتمیشیق

قوپ قورو بیر آغاج

باشیندا حایات قورولور

کؤکو ایسه قورویوبدور

فیشقیراق چالیر محکمه چی

قویلانیر وطن

قویلانیر آنام

(S.Q)

+ yazılmış...ر 2007/12/25 çağ 9 PM ساوالان قیزی |

Bir gün gülzarə dönərsə vətən

Türk adlı bayrağımız güləcək

O gün

tək sözlərdə bitəcək " Qorxu"

O gün

Sevgilər açacaq –gələcək

O gün

+ yazılmış...ر 2007/11/5 çağ 7 PM ساوالان قیزی |