| تبليغات | X |
Çətinlik boyu əllərindən yapışdım
Gözümü qözünə tikib
Burnumu burnunun ucuna sürtdüm .ölümün
Dolğun dodağları necədə dadlıydı
Namərd ölüm qızının
Kiyan xiyav))
Mən yatmışam bu məzarda
Torpağların ipi tarda
Tüpürəcək gələn mənə
Ölməmişəm qalıb darda
əllər açıq-gözlər açıq
lay lay diyər körpəsinə
anaların eşqi belə
dumanlanır qulağlarım
keşkə mənə lay lay diyə
əllər açıq-gözlər açıq
baxışlarım zəhər saçır
rövyalarım dodağlanər
görən bitər kabuslarim
uyqularım pıçaqlanır
əllər açıq-gözlər açıq
gerçəkləri verdim selə
pıçıldaşır itgin elə
mən hörmədim saçlarımı
alın yazım hördü belə
əllər açıq-gözlər açıq
bu diyara gəlin gəlir
öz məzarım dərin gəlir
paxıl gözüm görmür bunu
asılmış bir qadın gəlir
əllər açıq-gözlər açıq
lay lay ilə yata bilsəm
qəm-kədəri ata bilsəm
ölmərəm mən məzarımda
itgin sözü silə biısəm
əllər açıq-gözlər açıq
Qadın bir musiqi alətidi
Çoxları bacarmaz çalmağı-
Naşı əlində qırılar
Simləri
Səbri təbrizli))
من تورپاغام مین ایل_مین ایل
یاشامیشام دونن لرده
قول اولموشام اینسالارا
بیتمه میشم بو گون لرده
اوره ییم داش،اللریم سه
اوجالاردا ،آغاجلاردی
قورویوبدور چوخدان الیم
بالالاریم بو آجلاردی
ساغاجاقدیر جان شیره می
کؤکسوم داغلار،گونش آغلار
زیروه لرین یاناق_یاناق
اوره ییمی سازاق داغلار
یوز ایل بئله اویمامیشام
آغ لچه ییم یانا-یانا
چوخ گؤرموشم ظولمو ییخیب
باتیب سئله الوان قانا
خزرلری کیم ساراجاق؟
شاه داماریم ،آراز چایی
قیشقیریغیم یولدا قالیب
کیم وئره جک منیم پایی؟
قارقیش سنه بویاشاییش
آج بالامی کیم دویورار؟
اؤلدوم،گئتدیم ،قالدی بئله
چؤللریمی قان سووارار
باشیم اوسته ظالیم گئجه
گؤرور یوخو،توخدو بالام
کیمسه لرین اؤلدو سنین
قونشولارین یوخدو یالام
دهشت اوسته ایشکنجه لر
اوره ییمی بونلار ازه ر
نیفرت اولسون ظالیم سنه
من تورپاغام،اؤلوم یئتر
سحر-سحر دوراندا
گوزگونی تئز گؤتوررم
اوز،گؤزومه باخارکن
هرفیکریمی اؤتوررم
گوزگونون دوز سؤزونه
آغزیمی من بوزورم
گؤزلریم چئری اولموش
هر یئری من سوزورم
بورنوم یانیر،گؤرورم
آینا منی دانلاییر
آخشاماجان باخیرام
آنا منی دانلاییر
"آی جانی یانمیش قیزیم
آتیل ماتیل چرشنبه
قورتارمادی بس بئله؟
بختی آچیل چرشنبه"
گون باتادا یولداشیم
خوروز کیمی بانلاییر
"آی قیز بو نه اویوندی؟"
هر ایشیمی آنلاییر
هرگون بیر قیزلا وارکن
منی گؤروب دان گلیر
بئله گؤرموش بیزلری
گئجه اوزون،ظولمه باغلی
آج باشینی قویوب یاتان
قارانلیقدا فیکره باتان
آج باشینی قویوب یاتان
یئددی گؤیدن قارقیش یاغیر
لال اولموشام،دئییر:"باغیر"
آتان اؤلوب چوخدان ساغیر
آج باشینی قویوب یاتان
اؤلسون آرزو،اؤلسون دیله ک
تکجه قالسین ناحاق چؤره ک
بیرگون آشار بئله دیره ک
آج باشینی قویوب یاتان
اکین یاندی وئرین خبر
اؤلولره ووراق خنجر
قاچاق نبی هاردا حجر؟
آج باشینی قویوب یاتان
منده لالام،منده کارام
من چولاغام،منده کورام
چوخ دئمیشم"منده وارام"
آج باشینی قویوب یاتان
مؤهورله نیب دوداغلاری
آج یاشاییب توخ چاغلاری
گه زیب حزین بو داغلاری
آج باشینی قویوب یاتان
دونیا گولسون بیزآغلییاق
یارامیزا دوز باغلییاق
اؤرتوب،بوکوب،اوز ساخلییاق
آج باشینی قویوب یاتان
