Bir gün gülzarə dönərsə vətən                                    

Türk adlı bayrağımız güləcək         

O gün

tək sözlərdə bitəcək                                " Qorxu"

O gün             

Sevgilər açacaq –gələcək                

O gün

سولماز اؤزو داغدیر داغ اونا دالدالانیبدیر

           سولماز گؤزومون یاشیدی اوزده جالانیبدیر

داغ بویدا داغی گؤزده اریتمیش او گؤزل داغ

           اود تک آلیشیب دریا کیمی دالغالانیبدیر

سنی غزل اولموش ولی شعرینده قصیده

           کال عشقین اودیلا اوره گی دامغالانیبدیر

شعر آتشی اوزده قیزاریبدیر،کؤزه اوخشار

           باخسان اوزونه گؤرسه ده جک اودلا یانیبدیر

یاندیرمیش اونو قحبه صفت آدلی بو دنیا

           بیرعده یئتیم آرزی، دیلک دیلده قالیبدیر

           اوددور،اونو دیندیرمه قوی اؤز دردینه قالسین

           مین درد اودی قلبینده گؤرورسن قالانیبدیر

"sonsuz"

آغلاییر یوللارین دؤیونتو سسی

 ایلقاردان سؤز آچیر بولبول نغمه سی

کئچمیشه دؤیونور قوجالمیش کؤنول

 کؤنولده دیره نمیش وطن هوسی

(s.q)

Tarix belə başdan başa toymuş mənə gülüm

Dar dirəyib yas paltarın qoymuş mənə gülüm

Sən sadəcə könlümdəsən ömrümdəsən inan 

Ömrüm sənin qızıl güllər soymuş mənə gülüm

(s.q)

ایچیمدن یئنه 

             سینماق سسی دیر

پیشیک لر گؤره سن نه یی سیندیریب؟

بو های- هارایلار

            تانیشدی منه

سینماق سسلری هئی اولور

                                      تکرار

اؤزومده قیریلیر

                  غرور بت لاریم

منلیگیم آیناسی داشا باسیلیر

وارلیقیم آیناسی داشا باسیلیر

(s.q)

منی اعدام ائدین

               دونن لریمده

منی کؤرپولردن آسین

غرورسوز بو گونوکدن

           آساجاغسیز

                  آسین منی

دیلی کسیک

        هئی سیز آنام ...

ایتیردیم آنامی دونن کی یئرده

تاپاناجاق سیز

                   و

نیشان سیز

        انتحار ائده جه یم آنامدا یئنه

آلقیشلار دوننه

           آلقیشلار بیزه

انتحار ائدن دار آغاجینا

و پایلانمیش سئوگیمه

        منی باسدیرین آنام لا بیر گه

منی ائتمه لی سیز

                           ائلیمده کؤلگه

(s.q)

دئمیشلر: "اوزاقلیق اولور محبت"

پایلانیرسئوگیمیز سؤنموش اوجاقدا

ساچیم تک ایللری یولور محبت

آلقیشلا یاشاسین دردلر اوزاقدا

باغریما دؤشه نیر آجی آغریلار

بو سئوگی درد اولدو بو یازدان بئله

قازیلدی کؤنولده بؤیوک قایغی لار

گؤلوشلر تؤکندی،تؤکولدو سئله

ایتیردیم من سنی آی سئوگی داغیم

ییخیلدی کوچه ده دونن غروروم

قیریلدی دیلیمدن آدین،دایاغیم

کؤنلوم پارچالاندی گئتدی اوغوروم

اونوتما بدلین دوغولمایاجاق

هر نه ییم دؤنه جک سنین آدینا

اوجالان سئوگیمیز یوخ اولمایاجاق

چؤنه جک طالعیم سنین یادینا

(s.q)

سنی من یاشادیرام

روحوم هر گئجه سنین یانیندا

و  دوداغلارینی ...

                        منه پای وئریر

حایاتین قاپیسین دؤیورم آستا

         اولان روحوملا

         بوتون سئوگیمله

دیدرگین دوشموش آتالاریملا

و

   آنجاق...

آنالاریمین امگی

           ده ییرمان ایچینده هله دارتیلیر

دین سیز،ایمان سیز ده ییرمان چی نین

که بینی اولوب

             اونون امگی،اونون گؤز یاشی

                                         قابار اللری

هله ده یازیرام دوواردا سنی

         یوبانمیش باختیمدا

               هارایلاییرام

    سنی من یاشادیرام

سنی آی وطن

(s.q)